Энэ утас тийм сайн лаг утас бол биш. Зүгээр миний одоо хэрэглэж байгаа Android системтэй ухаалаг утас. Үзүүлэлтийг http://unitel.mn/menu/177/03 хаягаар ороод харж болно. Энэ утас нь ZTE Blade (бас dell xcd35 гэх зэрэг олон нэрээр зарагдсан байдаг гэнэ) гэдэг утас бөгөөд Монголд Unitel Lava нэрээр зарж байгаа үнэ нь бол харьцангуй үнэтэй юм шиг байлээ. Гадаадын сайтууд дээр бол 20-50$-т авч болохоор байх шиг байна. Японд лав иймэрхүү үнээр авч болохоор харагдсан... Гэхдээ бусад үнэтэй утаснуудыг бодвол хямд үнэтэй, боломжийн утас гэж бодож байна.

Үнэнийг хэлэхэд саяхныг болтол гар утас гэдэг зүгээр л ярьж байхад хангалттай гэж боддог байсан бол саяхнаас энэ бодол маань тэс өөрчлөгдсөн. Сар орчмын өмнө энэ утсаа дүүгээсээ бэлгэнд авсан юм. Би одоо би энэ Unitel Lava Android утсаа Cyanogen mod гэдэг засварласан Android хувилбар суулгаад жинхэнэ өөрийн зүүн гар болгочихоод үзэж тарж байгаа. Зургийн аппарат, интернет, толь бичиг, мэргэжлийн тооцоологч програмууд гарын дор, шипинүүд, зураг, видео үзэх, тоглоом тоглох, сэрүүлэг, хэл сурах хэрэгсэл, Чихэвчний хөгжим эдгээр зүйлсийг бүрэн орлож байна. Жирийн хэрэглэдэггүй хүний iPhone-оос бол миний android бараг илүү байгаа байх

Цаашид энэ блогоор орж ирж байвал миний утастай та ч бас танилцах болно оо
За тэгээд утасны талаар зарим эхний мэдээлэл:

Дутагталтай тал нь

• Дотоод санах ой нь маш бага. Иймээс SD хичнээн хийсэн ч олон програм суулгаж болохгүй. Зай нь дүүрээд асуудал гарна. (гэхдээ энэ асуудал шийдэж болдог тул асуудал биш)
• Удаан. Сүүлийн үеийн програм, том тоглоомууд гацна. Том киног тэр чигээр нь хуулаад үзэх гэхэд гацна. Жижигрүүлээд утсандаа зориулж хөрвүүлж байж үзэж болно.
• Лаг утаснуудтай харьцуулахад камер энэ тэр нь шаардлага хангахгүй
• Монголоос наалт, гэр нь олдоогүй (Юнител дээр байдаг үгүйг мэдэхгүй Tedy дээрээс лав олоогүй)
• Нэт холболт нь бусад сүүлийн үеийн утаснаас удаан
• Баттерей нь муу, удаан цэнэглэж хурдан дуусдаг
• г.м. муу талуудтай. Өөр ч зөндөө байгаа байх.

Сайн тал нь:

• Маш элбэг, гараад удаж байгаа утас болохоор маш өргөн тархсан. Тиймээс энэ утсанд зориулсан өөрчилсөн хувилбар, тусламжийн мэдээлэл интернетээр дүүрэн байдаг
• Unlock нь үнэгүй интернетээр дүүрэн байгаа тул Mobicom-ын сүлжээнд unlock хийгээд шууд ашиглаж болно.
• Дотоод санах ойн асуудлыг Link2SD програмаар microSD рүү холбох замаар асуудлыг шийдээд олон програм суулгаад хэрэглэж болно. (гэхдээ ингэхэд жоохон төвөгтэй. Үүнийг хэрэгтэй гэвэл дараа нь зааж өгч болно. Доор сэтгэгдэл үлдээгээрэй.)
• Гол нь бусад андройд утаснуудтай харьцуулахад том дэлгэцтэй барьцтай, нимгэн
• Хамгийн гол нь ухаантай утаснууд дотор харьцангуй ХЯМД үнэтэй.
• Элбэг учир Cyanogen mod зэрэг custom mod г.м зүйл элбэг байдаг. Би Cyanogen mod суулгаж хэрэглэдэг.
• http://mongolian-it.blogspot.com/2011/01/2.html энэ асуудал байхгүй юм шиг байгаан. Би лав янз бүрээр оролдоод сүүлдээ бүүр таг чиг болгосон ч Firmware flasher нь нэт дээр байсан тул олж авч асааж авсан. Тэгэхээр энэ бол android утасны учрыг олохыг хүссэн хүмүүст хямдхан олоод авч болохоор, дураараа элэг бөөрийг нь гаргаж үзэж болохоор утас шиг санагдсан. Шууд аймар хаалттай, хамгаалалттай юм авчихалгүй эхлээд ийм юм олж авч Android гэгч ногоон нөхөртэй танилцсандаа баяртай байгаа.

Ер нь бол энд гол бичих гэсэн санаа нь хэрэв шинэ утас авбал Android сонгоорой, гэхдээ оролдох, гэдэс дотрыг нь судлах хүсэлтэй хүн бол захын гоё харагдсаныг нь биш авах гэж байгаа утсаа сайн хайж судалж байж авахыг зөвлөх байна.




Нэмэлт: (2012-10-03)
За CM7 хуучин хэрэглэж байсан их ачааллаад байсан. Одоо харин Swedish Snow гээд ROM хамгийн зүгээр санагдаад үүнийг суулгасан байгаа шүү.