1. iPod-оо цэнэглэгчинд залгасан үедээ битгий асаалттай байлгаж байгаарай. асаалттай үед цэнэглэх нь зайнд муугаар нөлөөлдөг. Бас хэрэглээгүй үедээ аль болох унтрааж байх хэрэгтэй. Ингэвэл нас нь уртасдаг.

2. Бас зайг нь бүрэн дуусгаж байж цэнэглэхээр сайн гэж манайхан ярьдаг. Гэтэл дуусгалгүй цэнэглэж байх нь сайн гэнэ шүү! Учир нь Литийн ионы зай нь Никел-кадмийн зайнаас өөр байдаг. Зайг бүрэн дуусгалгүй цэнэглэж байх нь дээр. Бас хэт дүүргээд удаан залгаж орхих муу. Харин удаан хугацаагаар хэрэглэхгүй орхих бол бүрэн цэнэглээд орхиорой. Бас болж өгвөл сардаа ядаж нэг удаа цэнэглэж байх хэрэгтэй.

3. Компьютерээр биш аль болох хананд залгадаг цэнэглэгч ашиглаарай!

4. Хэрвээ Олон дуу нэг дор хуулах үед том хэмжээтэй дисктэй iPod чинь гацаад байвал гялгар ziplock-той хүүдийд ус хөлдөөгөөд тэрнийхээ гадуур нимгэн даавуу юмуу салфеткаар боож байгаад iPodoo доош нь харуулж тавиад ар дээр нь тавиарай. Ингэвэл диск нь их халсан үед хөргөж өгөөд гацахгүй. Ер нь бол ipod-оо 0- +20 Цельсийн хэмд ажиллуулах хэрэгтэй. Харин зүгээр хадгалах үедээ бол -20- +45 Цельсийн хэмд хадгалж болдог. Гэхдээ аль болох сэрүүн газар хадгалах нь илүү сайн. Гэхдээ хөлдөөж бол болохгүй. Халуун машин болон бусад халуун газар аль болох хадгалахгүй байх нь дээр. Нар болон бусад халуунаас аль болох хол байлгах хэрэгтэй.

5. iPod-ндоо силикон кейс авч хийж хэрэглээрэй! Ямар нэгэн байдлаар гэмтэхээс нэлээн сайн сэргийлж чаддаг юм. Дэлгэцэндээ давхар хатуу тунгалаг хуулган хамгаалалттай силикон кейс байдаг, тэр бүүр сайн.

6. Ямар нэгэн байдлаар унагаах, доргиох, хүчтэй сэгсрэгдэх зэргээс аль болох зайлсхийж байгаарай! Хатуу диск нь эвдэрч болзошгүй!

7. Хэдийгээр хөгийн ч гэсэн жорлон орохдоо болгоомжилж байгаарай! Жорлонд iPod-оо унагасан хүн цөөнгүй байдаг юм байна лээ шүү!!

8. Соронзон орон долгионтой газар, ТВ, радиотой ч гэсэн их ойр тавиад байх нь сайн биш гэсэн шүү.

9. Apple өөрөө бол аль болох шинэ хувилбар руу шилжүүлж байхыг санал болгодог. Гэвч iPod чинь их хуучных бол аль болох шинэчлэлт хийхгүй байх нь дээр шүү! Ер нь л хэвийн ажиллаж байгаа бол аль болох шинэчлэлт хийхгүй байсан нь дээр. ( Яагаад гэдгийг нь эндээс уншаарай: https://ipod.blogmn.net/18934/ )

---

Зарим нэгэн зүйлийг нэмж засаж оруулав. (Улаанбаатар хот. 2010.10.10 10:10pm)